الخميس، 26 يوليو، 2012

سفرة رمضان لليوم السابع”الدجاج المشوى بالكارى وبيتزا السجق والجبن وشوربة الكوسة بالكريمة وأحلى حلوى بالتوت والعسل”


ورجعتلكم حبيباتى بسفرة جميلة جدااا مليانة بأنواع مختلفة من الأكلات والحلويات
تعالى معايا هنعمل أحلى سفرة رمضانية وصفاتها مليانة بالجمال والطعم الجميل …
قدميها النهاردة واستمتعى مع أسرتك بالطعم اللى مفيش أحلى منه ,
ان شاء الله تكون أكلات كلها صحة وهنا على قلبكم يلا بينا
الـإفطـــار:
المقادير:
دجاجة كاملة
ملعقة كبيرة كمون مطحون
2 ملعقة صغيرة كاري
ملعقة صغيرة زنجبيل
1/2 ملعقة صغيرة ملح
1/4 ملعقة صغيرة فلفل أسود
ملعقة كبيرة زيت زيتون
أوراق كزبرة طازجة
دجاج مشوى بالكارى
طريقة التحضير:
1- أحضري الدجاجة واغسليها كويس، وسيبيها لمدة ربع ساعة في مصفاة، علشان تصفي أي مية فيها.
2- أحضري طبق صغير، واخلطي فيه كل المكونات اللي عندك، وامسكي الدجاجة وابدئي في عمل تجويف بين الجلد واللحم في جميع أجزاء الفرخة، مع عمل شقوق باستخدام السكينة في منطقة الصدر والأوراك.
3- أحضري الخليط اللي عندك وابدئي في توزيعه بين الجلد واللحم وداخل الدجاجة ، وسيبيها لمدة ساعتين علشان تتبل كويس بالخليط.
4- بعد كده شغلي الفرن على درجة حرارة متوسطة، وحطي الدجاجة في صينية، ودخليها الفرن لمدة ساعتين أو لغاية ما تلاقي أنها احمرت من جميع الجهات.
5- بعد كده خرجيها من الفرن، وحطيها في طبق التقديم.


شوربة الكوسة بالكريمة
المقادير:
3 ملعقة كبيرة زبدة
فص ثوم مفروم ناعم
بصلة متوسط مفروم ناعم
3 ملعقة كبيرة دقيق
1/2 جزرة متوسط مقطعة إلى شرائح
5 ثمرات كوسة متوسطة مقطعة إلى شرائح
4 كوب شوربة فراخ أو لحمة
ملح وفلفل
فلفل رومي أحمر مقطع إلى مكعبات صغيرة للتزيين

طريقة التحضير:
1- سخني الزبدة على نار متوسطة، وضيفي إليها الثوم والبصل مع التقليب لمدة 4 دقائق.
2- ضيفي الدقيق مع التقليب لغاية ما كل المكونات تتجانس مع بعضها، وبعد كده ضيفي الجزر والكوسة.
3- ضيفي الشوربة مع الاستمرار في التقليب؛ علشان مفيش أي كتل تتكون، وغطي الحلة، وسيبيها على نار متوسطة لمدة 15 دقيقة أو لغاية ما الكوسة تستوي مع الاستمرار في التقليب من حين لآخر.
4- ارفعي الخليط من على النار، وسيبيها تبرد شوية، وبعد كده اضربيه في الخلاط الكهربائي، لغاية ما كل المكوّنات تمتزج مع بعضها.
5- بعد كده حطي الخليط مرة تانية على نار متوسطة، وممكن تضيفي شوية شوربة أو مية أو لبن لتخفيف كثافة الشوربة، وبعد كده تبليها بشوية ملح وفلفل وقدميه.


العصــائر والحلــويــات:
عصير العنب الأسود والجريب فروت المنعش
المقادير:
1 كيلو من العنب الأسود.
عصير جريب فروت.
الأدوات :
خلاط كهربائى
كوب عصير
مصفاة
طريقة التحضير
اغسلى الفواكه جيداً.
اخفقى العنب بعد قطفه.
ضيفى عصير الجريب فروت.
احفقى المزيج جيدا بعد تصفيته.
ويقدم عصير العنب في الكوب.


حلوى التوت بالعسل والكريمة
المقادير:
ربع كوب حليب
6 ملاعق كبيرة عسل
علبة جبن كريمة
كوبا توت بري وتوت أزرق
10 أكواب بلاستيكية
طريقة التحضير:
1- اخفقي الحليب مع العسل وجبن الكريمة في محضر الطعام علي سرعة عالية حتي تمام الامتزاج.
2- أضيفي الفواكه إلى مزيج العسل واخفقي مرة أخري حتي يصير المزيج ناعماً.
3- اسكبي المزيج في 10 أكواب ، وضعيها بالمجمد حتي موعد التقديم، أو يمكنك تقديمها في الحال.


السحـــور:
البيتزا الشهية بالسجق والجبن
المقادير:
العجينة:
3اكواب دقيق
3ملاعق كبيرة حليب بودرة
زيت
ملعقة كبيرة خميرة فورية
ملعقة صغيرة ملح
ماء داقئ
الصلصة:
3فصوص ثوم
بصلة صغيرة
طماطم
ملح . فلفل اسود
زعتر . بقدونس . رند
الاضافات:
زينون اسود او اخضر
فلفل اخضر
سجق مقطع
جبن
طريقة التحضير
نعجن العجينة ونتركها تتخمر
قومي بتنقية الطماطم وقطعيها ثم قطعي الثوم والبصل ضعي البصل في الزيت
ثم اضيفي الطماطم ثم الثوم قومي بالتتبيل وضعي الاعشاب اخلطي الكل وتركيه يطهى وعندما تطهى يمكنك طحن(فرم) الصلصة
شكلي من العجينة كريات ثم ورقي كرية من الكريات و ضعيها في صينية قرن و قومي بنغزها بالشوكة
ثم ادخليها الفرن مدة5دقائق تقريبا ثم اخرجيها وضعي عليها الصلصة والاضافات واعيديها الى الفرن حتى تنضج واخرجيها
وبالصحة والهنا…
*ملحوظة:
يمكنك تحضير البيتزا مسبقا وحفظها بالفريزر ، وقبل موعد السحور اخرجيها من الفريزر وادخليها الفرن وقدميها ساخنة وشهية.

وبكدة تكون خلصت سفرة النهاردة يا رب تكون عجبتكم وميعادنا بكرة باذن الله زى ماتعودنا كل يوم سفرة جديدة لذيذة وشهية استنووونى.

0 التعليقات:

إرسال تعليق