الثلاثاء، 24 يوليو 2012

سفرة رمضان لليوم الخامس”دجاج مشوى وصينية رقاق باللحم وبوريك والقطايف وعصير الفواكه الفريش”


ورجعت لكم تانى زى ماوعدتكم بسفرة رمضانية تجنن هنعمل فيها مع بعض الدجاج اللذيذ بجد طريقته روعة فى الجمال ونتيجته هتعجبك أوى دة بالاضافة للرقاق باللحمة اللى مفيش أحلى منه ومعانا كمان العصير والحلويات ,,, تعالى معايا على طول نشوف سفرتنا بلاش نضيع وقت



الـــإفطـــار:
المقادير:
دجاجة وزنها حوالي كيلو
2 ثمرة بطاطس كبيرة
3 بصلة كبيرة
2 طماطم كبيرة
حوالي 5 أعواد بقدونس وزيهم كسبرة
بهارات مشكلة (ملح – فلفل- كمون- جنزبيل مطحون – قرفة – كاري- كركم)
عصير ليمونة واحدة
الدجاج المشوى بالفرن
طريقة التحضير:
1- بنغسل الدجاجة كويس جداً بالملح والدقيق والليمون ونسيبها تصفي الماء اللي فيها.
2- في وقت ما الدجاجة بتتصفى من الماء بنبشر البصلتين والطماطم ونحط عليهم عصير الليمون والبهارات ونقلبهم كويس مع بعض.
3- ناخد الدجاجة بعد ما اتصفت من الميه كويس جداً، ونقطعها، ونمسك كل قطعة وندخّل التتبيلة اللي عملناها بالراحة ما بين الجلد واللحم.
4- نحط الدجاج في طبق، ونلفه كويس بكيس بلاستيك ونغطيه بغطاء ونسيبها طول الليل في الثلاجة.
5- تاني يوم نجيب البصلة الثالثة ونقطعها شرايح رفيعة ونقطع البطاطس مكعبات، ونشوّح البصل والبطاطس مع بعض مع شوية ملح صغيرين في الصينية اللي هنعمل فيها.
6- نخرّج الدجاج من الثلاجة ونرصّها فوق البطاطس والبصل اللي شوحناهم مع بعض، وبنحط عليهم حوالي كوب واحد ماء، وبعدين نحط عليهم أعواد الكسبرة والبقدونس (بدون تقطيع).
7- نغطي الصينية بورق الفويل وندخلها الفرن على درجة حرارة ما بين 180 إلى 200 درجة ونتركها من ساعة لساعة وربع على حسب ما الدجاجة تستوي.
8- قبل ما نخرجها من الفرن بنشيل ورق الفويل من على الصينية ونحط الدجاج تحت الشواية علشان تتحمر شوية.
9- بعد كده بنخرجها من الفرن وتقدم ساخنة.


صينية الرقاق باللحمة المفرومة
المقادير:
3 ملعقة كبيرة زيت زيتون
1 بصل، مفروم ناعم
2 فص ثوم، مفروم
1 كيلو لحم بقري مفروم
ملح وفلفل
1/4 ملعقة صغيرة بهارات، مطحونة
مرق ساخن
سمن سائل (للدهن)
رقاق

طريقة التحضير:
– يُسخن الزيت في مقلاة على نار متوسطة، يُضاف البصل والثوم مع التقليب حتى يذبُل.
– يُضاف اللحم، ويُطهى لمدة 10 دقائق، يُتبل الملح والفلفل والبهارات، مع التقليب من حين لآخر حتى تمام النضج.
– يُرفع بعيداً عن النار، ويُترك الخليط ليبرد قليلاً.
– يُسخن الفرن على حرارة 180 درجة مئوية.
– تُدهن صينية فرن بقليل من السمن.
– تُرش طبقة من الرقاق بالمرق (حتى تتشرب المرق وتلين قليلاً)، وتوضع في صينية الفرن.
– يُكرر ذلك مع طبقة أخرى من الرقاق.
– تُوزع كمية مناسبة من خليط اللحم المفروم، ثم يوضع طبقتين من الرقاق باتباع نفس الخطوات السابقة.
– تًوزع كمية أخرى من خليط اللحم المفروم، ثم يوضع طبقتين من الرقاق باتباع نفس الخطوات السابقة.
– يُقطع إلى مربعات ويُدهن السطح بالسمن.
– يُغطى بورق الزبدة ثم ورق الألمونيوم.
– يُخبز في الفرن لحوالي 20 دقيقة، ثم يُنزع ورق الزبدة والألمونيوم، وتُعاد الصينية مرة أخرى في الفرن حتى يحمر سطح الرقاق.


العــصــائر والحــلــويـــات:
عصير الفواكه الفريش بالزبادى
المقادير:
100 جرام من الفاكهة الصيفية الطازجة
4 ملاعق كبيرة من الليمون الهندي (جريب فروت)
150 ملليلتراً من الحليب منزوع الدسم بصورة نصفية، بارداً
450 جراماً من الزبادي
طريقة التحضير:
1 اضربى الفاكهة الصيفية والليمون الهندي في الخلاط الكهربائي، وذلك حتى يتشكّل مزيج ناعم.
2 بعد كدى ضيفى ملعقتان من هذا المزيج إلى كلّ كوب.
3 واخلطى كل من الحليب البارد والزبادي جيّداً. وقومى بتوزيعه على الكوبين،وضيفى عليه بعد كدة خليط الفاكهة الصيفية والليمون الهندي. ويقدّم على الفور.
* العصير دة يكفى لشخصين

القطايف الرمضانية بالمكسرات
المقادير:
1/2 كيلو قطايف عصافيري “صغيرة”
كوب بندق مجروش
كوب لوز مجروش
كوب سوداني مجروش
1/2 كوب سكر
معلقة كبيرة ماء زهر أو ماء ورد
زيت للقلي
شربات
الشربات:
1/2 كوب سكر
3/4 كوب مية
عصير ليمونة
فانيليا
طريقة التحضير::
1- هاتي طبق واخلطي فيه البندق واللوز والسكر، وضيفي ليهم ماء الزهر أو الورد.
2- هاتي القطايف واحشيها معلقة كبيرة من خليط المكسرات اللي عندك، خدي بالك إن الحشو ده يكون في وسط قرص القطايف، واقفلي قرص القطايف بالضغط عليه بإيدك، وخدي بالك إنك تتأكدي من عدم وجود أي حشو ظاهر.
3- بعد ما تخلصي حشو القطايف كلها هاتي طاسة وسخني فيها الزيت كويس، وبعد كده اقلي القطايف على درجة حرارة متوسطة، لغاية ما تلاقي إن لون القطايف بقى ذهبي شيليها من الزيت وحطيها في الشربات، وبعد كده طلعيها من الشربات وحطيها في مصفاة علشان تتخلصي من الشربات الزيادة، وبعد كده حطيها في طبق الحلويات.
 الشربات:
حطي السكر والمية كلهم مع بعض في إناء على نار هادئة لمدة ربع ساعة، وبعد كده ضيفي الليمون وسيبيه لمدة 5 دقائق لغاية ما يغلي، وحطي الفانيليا وشيليه من على النار وسيبيه لغاية ما يبرد.


السحــــور:
البوريك المحشى
المقادير:
4 كوب دقيق
3/4 كوب زبدة
1 ملعقة كبيرة خميرة
1/2 ملعقة كبيرة ملح
2 بيض
1 كوب ماء دافئ
خليط من صفار بيض و لبن حليب للدهن*

طريقة التحضير:
- يُوضع الدقيق في العجان و يُضاف إليه الزبدة مع العجن الجيد .
– تُضاف الخميرة و الملح و البيض مع العجن الجيد.
– يُضاف الماء الدافئ تدريجياً حتى نحصل على عجين أملس متجانس.
– يُشكل العجين على هيئة كرة و يُترك ليختمر في مكان دافئ لمدة 35-45 دقيقة مع تغطيته.
– يُفرد العجين و يُحشى حسب الرغبة (بالجبن أو البسطرمة ) و يُدهن بخليط من صفار البيض المخفوق مع لبن الحليب و يُرش عليه سمسم أو حبة البركة.
* يُوضع هذا الخليط لأعطاء العجين لوناً ذهبياً عند النضج ، و يُمكن استبداله بوضع 1/2 ملعقة صغير سكر في العجين أثناء العجن.
وبألف صحة وهنا …

جربوا سفرة النهاردة هتعجبكم جداااا وقولوا لى رايكم فيها واستنونى بكرة باذن الله وسفرة رمضانية جديدة … 

0 التعليقات:

إرسال تعليق